Адыгэ Республикэм фехтованиемкIэ и Фе­дерацие спорт проектэу «С клинком в руках к вершинам олимпа» зыфиIорэм игъэ­цэкIэн фежьагъ. Ащ пшъэрылъ шъхьаIэу иIэр Тэхъутэмыкъое районым щы­псэурэ кIэлэцIыкIухэр ыкIи Iэтахъохэр мы спорт лъэпкъым пыщагъэ хъунхэр ары. Непэрэ мафэм ехъулIэу фехтованиемкIэ зызыгъасэ зышIоигъохэм апае оборудованиер къащэфыгъ ыкIи поселкэу Инэм дэт спорткомплексым ар ща­гъэуцугъ. Адыгэ Республикэм фехто­ваниемкIэ и Федерацие проектым кIэщакIо фэхъугъ. респуб­ликэм ыкIи Президент грантхэм яфонд къатIупщыгъэ мылъкумкIэ ар щыIэныгъэм щыпхы­ращы.