Адыгеим и ЛIышъхьэ ишIухьафтын зэрылъ зэнэкъокъум къыдыхэ­лъы­тэгъэ ешIэгъухэр мы зыгъэпсэфыгъо мафэхэм щыIэщтых.

БлэкIыгъэ турым изэфэхьысыжьхэмкIэ апэрэ чIыпIэм уцугъ Красногвардейскэ районым икомандэу «Кавказ» зыфиIорэр. Ащ ешIэгъуи 5 иIагъ, зэкIэри къыхьыгъ, очко 15 ригъэкъугъ. Я 6-рэ турым Теуцожь районым ифутболистхэр «Урожаим» текIуагъэх. Ащ къыхэкIыкIэ мы мафэхэм яIэщт ешIэгъухэр нахь гъэшIэгъоныщтых. Непэ командэхэу «Кав­каз» ыкIи «Мыекъуапэ» зыфиIохэрэр се­лоу Красногвардейскэм щызэIукIэщтых. «Сириусыр» «Адыгэкъалэ» дешIэщт. Iоны­гъом и 3-м «Кощхьаблэр» «Нартым» IукIэщт, Адыгэ къэралыгъо университетым икомандэ «Урожаим», нэужым «Тэхъу­тэмыкъуаер» «Чэчэнаим» адешIэщтых. ЗэIукIэгъухэр зэкIэ мафэм сыхьатыр 5-м рагъэжьэщтых.

Командэхэр зыдэщыт чIыпIэхэр ыкIи рагъэкъугъэ очко пчъагъэу рагъэкъугъэр:

1. «Кавказ» — 15, 2. «Кощхьабл» — 12, 3. «Урожай» — 9, 4. «Чэчэнай» — 9, 5. «АГУ» — 9, 6. «Адыгэкъал» — 6, 7. «Тэхъутэмыкъуай» — 6, 8. «Сириус» — 3, 9. «Мыекъуапэ» — 3, 10. «Нарт» — 3.