Бэ хэлэжьагъэр
2023-рэ илъэсым шышъхьэIум и 24 — 25-м хэушъхьафыкIыгъэ «тактикэ учениекIэ» зэджагъэхэр республикэм щыкIуагъ.
[caption id="attachment_138336" align="aligncenter" width="800"] Сурэтыр: Оперативнэ штабыр.[/caption]
Диверсие зэрахьан мурад яIэу Адыгэ Республикэм къихьэхэмэ, ахэм зэрапэуцужьыщтхэ шIыкIэм фэгъэсэгъэнхэр ары Iофтхьабзэм къыдилъытэщтыгъэ пшъэрылъ шъхьаIэр.
Транспорт инфраструктурэм хэхьэрэ псэуалъэхэм терроризмэ нэшанэ зиIэ мыхъо-мышIагъэхэр ащызэрахьанхэр ары «бзэджашIэхэм» гухэлъ шъхьаIэу яIагъэр. Шъыпкъэм пэблагъэу зэкIэ зэхащэгъагъ. Оперативнэ штабэу Адыгэ Республикэм щыIэм унашъо ышIыгъагъ Мыекъопэ районым терроризмэм пэшIуекIорэ Iофтхьабзэр щызэрахьанэу. Ащ ишIуагъэкIэ, «диверсие мурад зышIыгъагъэхэм» ягухэлъ къадагъэхъугъэп.
Егъэджэн-гъэсэн мэхьанэ зиIэ Iофтхьабзэу шъыпкъэм пэблагъэу зэхащэгъагъэм изэшIохынкIэ къулыкъухэр зэкIэ зэдеIэжьыгъэх. Оперативнэ штабэу республикэм щызэхэщагъэм ыкIуачIи иамали мыщ рихьылIэгъагъ.
Iофтхьабзэм бэ хэлэжьагъэр: УФ-м щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм, АР-м хэгъэгу кIоцI IофхэмкIэ и Министерствэ, УФ-м ошIэ-дэмышIэ IофхэмкIэ и Министерствэ и ГъэIорышIапIэу Адыгэ Республикэм щыIэм, пщыныжь ягъэхьыгъэнымкIэ Федеральнэ къулыкъум и ГъэIорышIапIэу АР-м щыIэм ыкIи нэмыкIхэм ялIыкIохэр.
Оперативнэ штабым Адыгэ РеспубликэмкIэ иаппарат.