Физкультурникым и Мафэ фэгъэхьыгъэ спорт Iофтхьабзэхэр Красногвардейскэ районым щыкIуагъэх.

МэфитIум те­лъытэгъэ программэр зэхэщакIохэм гъэшIэгъонэу агъэпсыгъ, ащ ныб­жьыкIэхэри, ветеранхэри хэлэжьагъэх.

Зыныбжь хэкIотагъэхэм я Спартакиадэ къыдыхэлъытэгъэ зэнэкъо­къухэм районым ипсэупIи 5-мэ ялIы­кIохэр хэлэ­жьагъэх. Ахэм дартсымкIэ, теннис цIыкIумкIэ, щэрыонымкIэ, волейболымкIэ зау­шэтыгъ. Хъулъфыгъэхэм нахь къа­хэщыгъэр ыкIи анахьыбэу хагъэу­нэфыкIырэ чIыпIэхэр къыдэзы­хыгъэр къуаджэу Хьатикъуае щыщ Джолэ Хъусен. Улапэ щыщ Бжьэ­мыхъу Нурыет медалищ къы­хьыгъ. ВолейболымкIэ зэнэкъо­къум район гупчэм икомандэ текIоныгъэр къыщыдихыгъ.

ЯтIонэрэ мафэм футболымкIэ, волейболымкIэ, шахматхэмкIэ ыкIи теннис цIыкIумкIэ зэнэкъо­къухэр рагъэкIокIыгъэх. ПсэупIэу Красногвардейскэм икомандэу «Легион» зыфиIорэм футбо­лымкIэ зэнэкъокъум текIоныгъэр къыщыдихыгъ. ВолейболымкIэ анахь лъэшыгъэр районым испорт еджа­пIэ ихэшыпыкIыгъэ команд ары, шахматхэмкIэ красногвардей-­ цэ­хэм апэрэ чIыпIэр къыдахыгъ. Тен­нис цIыкIумкIэ текIоныгъэр къыдахыгъ Бзаго Рустамрэ Надежда Трофимовамрэ.