ПсэупIэу Яблоновскэм игаражхэу къызкIэнэгъагъэхэм Адыгеим имэшIогъэкIуасэхэм яшъыпкъэ рахьылIагъ.

Квадрат метрэ 900 фэдиз машIом зэлъиштагъэр. Анахьэу анаIэ зытырагъэтырэр гаражхэм къапэблэгъэ унэхэм машIор анэмысыныр ары. Урысыем ошIэ-дэмышIэ IофхэмкIэ и Министерствэ и ГъэIорышIэпIэ шъхьаIэу Адыгэ Республикэм щыIэм ипресс-къулыкъу ащ фэ­гъэхьыгъэу макъэ къыгъэIугъ. Тхьамафэу икIыгъэм мэшIогъэ­кIуасэхэмрэ къэгъэнэжьа­кIо­хэмрэ гъогогъуи 128-рэ машIор агъэкIосэн фаеу чIыпIэ зэжъу ифагъэхэм IэпыIэгъу аратыгъ. Уц гъугъэхэм гъогогъуи 100-рэ а уахътэм къыкIоцI къакIэнагъ, 28-р ошIэ-дэмышIагъэ зыхэлъ техногеннэ нэшанэхэм апкъ къикIыгъэ машIох.

МашIом зыкъыштэным ищынагъо зэрэщыIэм къыхэкIэу Урысыем и МЧС и ГъэIорышIэпэ шъхьаIэ цIыфхэм агу къе­гъэкIыжьы сырнычхэм, тутынхэм ыкIи машIор псынкIэу къэзы­штэн зылъэкIыщт пкъыгъохэм афэсакъынхэу.

Тэхъутэмыкъое, Теуцожь, Красногвардейскэ, Шэуджэн, Джэджэ, Кощхьэблэ ыкIи Мые­къопэ районым итемыр лъэныкъо зыкъыштэнымкIэ я 5-рэ классым халъытэрэ гу­мэкIы­гъор машIом ащагъэунэфыгъ.