Зэнэкъокъу хьалэмэт
Пцэжъые ешэнымкIэ зэнэкъокъухэр Краснодар краим ит псыубытыпIэу «Клондайк» зыфиIорэм щыкIуагъэх. Iофтхьабзэм команди 9 хэлэжьагъ.
КIэлэ ныбжьыкIэхэр мэфищым къыкIоцI лъэныкъо зэфэшъхьафхэмкIэ зэнэкъокъугъэх. Пцэжъыеу къаубытыгъэм зэкIэмкIи килограмм 1725-рэ къащэчы. Лъэныкъоу «Общий вес» зыфиIорэм текIоныгъэр къыщыдахыгъ командэу «Next Generation» зыфиIорэм хэтхэ Денис Сухининымрэ Александр Артюхинымрэ, ятIонэрэ чIыпIэр къафагъэшъошагъ Александр Яценкэмрэ Данил Глизнуцрэ, ящэнэрэ хъугъэ командэу «Молодые ветра» илIыкIоу Игорь Хановыр. Пцэжъые анахь инитф къэзыубытыгъэхэм ащыщых Владислав Рычковымрэ Петр Кириченкэмрэ, Денис Сухининымрэ Александр Артюхинымрэ, Игорь Хановыр. Анахь пцэжъые иныр (килограмм 12,7-м ехъу къещэчы) къызэраубытыгъэмкIэ хэушъхьафыкIыгъэ шIухьафтыныр афагъэшъошагъ командэу «КВК Junior» хэтхэм.
Iофтхьабзэм лъыплъэгъэ цIыфхэм яшIухьафтын къылэжьыгъ зэнэкъокъухэм ахэлэжьэгъэ пшъэшъэжъые закъоу Владислава Савченкэм.