Урысые Iофтхьабзэу «ШIэжьым ивахт-2023» зыфиIорэм илъэс къэс Урысыем ишъолъыр зэфэшъхьафхэм ялъыхъокIо нэбгырэ мин пчъагъэ хэлажьэ.

Адыгеим ихьыкум пристав шъхьаIэу Александр Ихно пэщэныгъэ адызэри­хьэзэ тиIофшIэгъухэу Константин Санжаревскэмрэ Владислав Павловымрэ къычIэтIыкIынхэм ахэлэ­жьагъэх.

Хэгъэгум ишъолъыр зэ­фэшъхьафхэм къарыкIыгъэ лъыхъуакIохэм тхьамэфитIум къыкIоцI Урысые Федерацием и ЛIыхъужъи 180-м ехъу къагъотыгъ, ахэр Сталинград ишъхьафиты­ныгъэ икъэухъумэн хэлэ­жьэгъагъэх. Ащ нэмыкIэу Дзэ Плъыжьым идзэкIолIхэм яунэе пкъыгъохэм ащыщхэр къагъотыгъэх.

«Мэмай Iуашъхьэр» зы­фи­Iорэ мемориалым шы­шъхьэIум и 23-м Iофтхьа­бзэр щаухыгъ, советскэ дзэ­кIолI­хэм яхьадэ къупшъхьэхэр, яфэшъошэ Iофтхьабзэхэр зэкIэ агъэцакIэхэзэ, чIым рагъэкIужьыгъэх.

Хьыкум приставхэм я Федеральнэ къулыкъу и ГъэIорышIапIэу Адыгэ Республикэм щыIэм ипресс-къулыкъу