ФутболымкIэ Урысыем ипервенствэ иятIонэрэ лигэ щешIэрэ командэхэм зичэзыу ешIэгъухэр яIагъэх.

Мыекъопэ «Зэкъошныгъэр» командэу «Биолог-Новокубанск» IукIагъ. Республикэ стадионым щыкIогъэ ешIэгъум хьакIэхэр нахь щылъэшыгъэх, текIоныгъэр къыдахыгъ.

«Зэкъошныгъ» (Мыекъуапэ) — «Биолог-Новокубанск» — (п. Прогрессыр) 0:4 (0:2).

Футболыр зыгу рихьыхэрэр стадионым бэу къыщызэрэугъоигъэх, ау ешIэгъум зэфэхьысыжьэу фэхъугъэм ахэр ыгъэрэзагъэхэп. Апэрэ таймым «Зэкъош­ныгъэр» нахьыбэрэ ыпэкIэ илъы­щтыгъ, ау Iэгуаор къэлап­чъэм дидзэн ылъэкIыгъэп. Я 30-рэ такъикъым хьакIэхэм пчъагъэр къызэIуахыгъ, ащ ыуж такъикъи 8 тешIагъэу 2:0 хъугъэ.

ЯтIонэрэ таймым «Зэкъошныгъэм» иешIакIэ нахь ыгъэлъэ­шыгъ, ау Iэгуаор къэлапчъэм дэ­зы­дза­гъэхэр хьакIэхэр ары, 4:0-у ахэм текIоныгъэр къыдахыгъ.

Я 7-рэ турым изэфэхьысыжьхэр:

«Зэкъошныгъ» (Мыекъуапэ) — «Биолог-Новокубанск» (п. Прогрессыр) — 0:4 (0:2), «Рубин» (Ялта) — «Севастополь» (Севастополь) — 2:1, «СКА» (Ростов-на-Дону) — «Динамо Ставрополь» — 0:2.

Командэхэм очко пчъагъэу рагъэкъугъэр: «Кубань Холдинг» — 12, «Рубин» — 11, «Биолог-Новокубанск» — 10, «Зэ­къошныгъ» — 10, «Севастополь» — 7, «СКА» — 7, «Динамо Ставрополь» — 3. КъыкIэлъыкIощт ешIэгъур «Зэ­къошныгъэм» Ялтэ щыриIэщт, Iоныгъом и 9-м «Рубин» IукIэщт.