Кушъхьэфэчъэ спортымкIэ Къыблэ федеральнэ шъолъырым изэнэкъокъухэр шышъхьэIум и 18-м къыщегъэжьагъэу и 21-м нэс къалэу Ростов-на-Дону щыкIуагъэх. КIалэхэм ыкIи пшъашъэхэм заушэтыгъ.

Аныбжь елъытыгъэу ахэр гощыгъагъэх ыкIи кушъхьэфэчъэ спортым илъэныкъо зэфэшъхьафхэмкIэ зэнэкъокъугъэх. Адыгэ Республикэм илIыкIохэм хабзэ зэрэхъугъэу гъэхъэгъэшIу­хэр ашIыгъэх, текIоныгъэр ыкIи хагъэунэфыкIырэ чIыпIэхэр къыдахыгъэх.

Республикэм щыщхэу зэнэкъо­къухэм къащыхэщыгъэхэм ягугъу къэтшIын. ТекIоныгъэр къыдахыгъ Анастасия Сандаловам, Ан­на Радуненкэм, Диана Гейко, Милана Максимчук, Евгений Дых­ныч, Артур Сароян. ЯтIонэрэ чIыпIэр къызфагъэшъошагъэхэр: Чэужъ Эльдар, Вадим Ларичевыр, Анна Радуненкэр, Артур Сароян, Милана Максимчук, Афида Вавилинар, Анастасия Могилевскаяр. Ящэнэрэ хъугъэх Святослав Харченкэр, Милана Максимчук. Тиспортсменхэм ащыщхэм лъэныкъо зэфэшъхьафхэмкIэ текIоныгъэр ыкIи хагъэунэфыкIырэ чIыпIэхэр гъогогъу заулэрэ къафагъэшъошагъэх.

Тиспортсменхэм ыкIи ахэр зыгъасэхэрэм тафэгушIо, тапэкIи гъэхъэгъэшIухэр ашIынхэу, рес­публикэм ыцIэ чыжьэу агъэIунэу афэтэIо.