Апэрэ чIыпIэр къыдахыгъ
Адыгеим илIыкIохэу Денис Сухининымрэ Александр Артюхинымрэ пцэжъые ешэнымкIэ Пензенскэ хэкум щызэхащэгъэ зэнэкъокъум текIоныгъэр къыщыдахыгъ.
Пензенскэ хэкум, Адыгеим, Мордовием ыкIи Татарстан ялIыкIохэр Iофтхьабзэм хэлэжьагъэх. Тиреспубликэ икомандэу «Next Generation» зыфиIорэр мы текIоныгъэм илъэсищрэ фэкIуагъ. 2021 — 2022-рэ илъэсхэм зэхащэгъэ турнирхэм тишъолъыр илIыкIохэм ятIонэрэ чIыпIэр къащыдахыгъагъ. Мызыгъэгум гъогогъуитIо текIоныгъэр къыдахын алъэкIыгъ. Денис Сухининымрэ Александр Артюхинымрэ пцэжъые 50 къаубытыгъ, ахэм килограмм 204,5-рэ къащэчы, анахь иныр килограмм 11,9-м ехъу.
Мы гъэхъэгъэшIухэм тикIалэхэр фэзыщагъэхэр тренерэу, Урысыем спортымкIэ имастерэу, къэралыгъом гъогогъу пчъагъэрэ ичемпионэу Сергей Артюхиныр ары.