«Зэкъошныгъэм» тегъэгушIо
ФутболымкIэ Урысыем ипервенствэ иятIонэрэ лигэ щешIэрэ командэхэм зичэзыу ешIэгъухэр яIагъэх. Мыекъопэ «Зэкъошныгъэр» командэу «Севастополь» IукIагъ.
«Севастополь» (Севастополь) — «Зэкъошныгъ» (Мыекъуапэ) — 0:0 (0:0).
Севастополь щыпсэухэрэм мы ешIэгъур ашIогъэшIэгъоныгъ. Адыгеим икомандэ апэрэ чIыпIэм къэнэным фэшI текIоныгъэр ищыкIэгъагъ, ау зыми Iэгуаор къэлапчъэм дидзагъэп, зэIукIэгъур 0:0-у аухыгъ.
— Мыщ фэдиз цIыф къытэплъэу бэрэ тешIэнэу къыхэкIырэп. Арышъ, мы зэIукIэгъур футболыр зыгу рихьыхэрэм ашIогъэшIэгъоныгъэу сэлъытэ. Ежь ешIэгъум къыфэбгъэзэжьымэ, очкохэр къызэрэчIэтынагъэхэр гъэнэфагъэ. Сыда пIомэ Iэгуаор къэлапчъэм тэтыдзэным тэ нахь тыпэблэгъагъ. Ау гухэкI нахь мышIэми, ар къыддэхъугъэп, — къыIуагъ «Зэкъошныгъэм» итренер шъхьаIэу Беслан Аджинджал.
Я 6-рэ турым изэфэхьысыжьхэр:
«Севастополь» (Севастополь) — «Зэкъошныгъ» (Мыекъуапэ) — 0:0, «Динамо Ставрополь» — «Рубин» (Ялта) 1:4, «Биолог-Новокубанск» (п. Прогрессыр) — «Кубань Холдинг» (ст. Павловскэр) — 1:2.
Командэхэм очко пчъагъэу рагъэкъугъэр: «Кубань Холдинг» — 12, «Зэкъошныгъ» — 10, «Рубин» — 8, «Севастополь» — 7, «Биолог-Новокубанск» — 7, «СКА» — 7, «Динамо Ставрополь» — 0. КъыкIэлъыкIощт ешIэгъур «Зэкъошныгъэм» Мыекъуапэ щыриIэщт. Урысыем и Кубок икъыдэхын фэгъэхьыгъэ зэнэкъокъум къыдыхэлъытагъэу «Кубань Холдингым» IукIэщт, ешIэгъур пчыхьэм сыхьатыр 6-м рагъэжьэщт.