СамбэмкIэ Урысые зэнэкъокъухэр къалэу Ново­российскэ щыкIуагъэх, «Лига войнов» ащ зэре­джагъэхэр. УФ-м спортымкIэ изаслуженнэ мастерэу Ф.А. Дурымановым ишIухьафтын зэрылъ турнирым илъэс 12 – 14 зыныбжь кIалэхэм зыщаушэтыгъ.

Къыблэ федеральнэ шъолъырым испортсмен 200 фэдиз Iофтхьабзэм хэлэжьагъэх, ахэм ащыщыгъэх Адыгэ Республикэм илIыкIохэри.

ТибэнакIохэм гъэхъэгъэшIухэр ашIыгъэх ыкIи хагъэу­нэфыкIырэ чIыпIэхэр къыдахыгъэх. Цундышк Ислъамрэ Нэхэе Артуррэ текIоныгъэр къыдахыгъ, ахэр зыгъасэхэрэр А. Хьабэхъумрэ А.

НатIыжъымрэ. ЯтIонэрэ чIыпIэр къы­фагъэщъошагъ Къэрэбэш Заурбый (тренерхэр Е. Демченкэр, Р. Джарымэкъу), ящэнэрэ хъугъэ Кушъу Ислъам (зыгъасэрэр А. НатIыжъ).

Тиспортсменхэм ыкIи ахэм ятренерхэм тафэгушIо, тапэкIи гъэхъэгъэшIухэр ашIынхэу афэтэIо!