Адыгеим и ЛIышъхьэ ишIухьафтын зэрылъ зэнэкъокъум пэрытныгъэ щиIыгъ Тэхъутэмыкъое районым иныбжьыкIэ командэ. Мы турнирым зэкIэмкIи команди 9 хэлажьэ.

Командэхэу «Адыгэкъалэрэ» «Мые­къуапэрэ» яIэгъэ зэIукIэгъур зыми ыхьыгъэп, пчъагъэр 2:2-у ешIэгъур аухыгъ. Ар къызфагъэфеди тэхъутэмыкъуаехэр апэрэ чIыпIэм кIуагъэх. «Тэхъутэмыкъуаер» Джэджэ районым икомандэу «Сириусым» дешIагъ ыкIи 5:0-у текIоныгъэр къыдихыгъ.

Адыгеим и ЛIышъхьэ ишIухьафтын къыдэзыхын зылъэкIыщт командэ заулэ щыI. Ахэм ащыщых Мыекъопэ ыкIи Теуцожь районхэр. Апэрэхэр Шэуджэн районым илIыкIохэм атекIуа­гъэх, пчъагъэр — 3:0. «Чэчэнаир» Красногвардейскэ районым икомандэу «Кавказым» дешIагъ ыкIи 6:1-у зэIукIэгъур къыхьыгъ.

Джырэ уахътэм командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Тэхъутэмыкъуай» — 9, 2. «Мые­къуапэ» — 7, 3. «Урожай» — 6, 4. «Сириус» — 6, 5. «Чэчэнай» — 6, 6. «Адыгэкъал» — 4, 7. «Нарт» — 0, 8. «Кощхьабл» — 0, 9. «Кавказ» — 0.