Урысыем ихьыкум приставхэм яфедеральнэ къулыкъу и ГъэIоры­шIа­пIэу Адыгэ Республикэм щыIэм илъэситIу хъугъэшъ гъэ къэс мэфэкI зэхахьэхэр зэхещэх. Мызыгъэгуми ащ икъулыкъушIэхэр унэгъо мэфэкI Iофтхьабзэу «Сят, сян, сэры — тыспортивнэ унагъу» зыфи­Iо­рэм хэлэжьагъэх.

Iофтхьабзэм изэхэщакIох ­Адыгэ Республикэм физическэ культурэмрэ спортымрэкIэ и Комитет, Урысыем ихьыкум приставхэм яфедеральнэ къулыкъу и ГъэIорышIапIэу Адыгэ Республикэм щыIэр, хьыкум приставхэм яапэрэ профсоюз организацие ыкIи я НыбжьыкIэ совет.

МэфэкI зэхахьэр Урысыем ифизкультурникхэм я Мафэ фэ­гъэхьыгъагъ, шышъхьэIум и 12-м ар стадионэу «Зэкъошныгъэм» щыкIуагъ. Зэнэкъокъу зэфэшъхьафхэм командэмэ защаушэтыгъ.

Зэнэкъокъум хэлэжьагъэхэм зэкIэми дипломхэр афагъэшъо­шагъ, кIэлэцIыкIумэ шIухьафтынхэмрэ IэшIу-IушIухэмрэ аратыгъ.

«Сят, сян, сэры — тыспортивнэ унагъу» зыфиIорэ зэнэкъокъум ишIуагъэкIэ хьыкум приставхэр нахь зэпэблагъэ хъугъэх, Iофы­шIэхэр нахь зэгурыIоным ар зэ­рэфэIорышIагъэм щэч хэлъэп. Ащ фэшъхьафэу ащ шIуагъэу къы­хьыгъэмэ ащыщ физкультурэмрэ спортымрэ уапылъыным мэхьанэу иIэр зэрэзэхашIагъэр.

Урысыем ихьыкум приставхэм яфедеральнэ къулыкъу и ГъэIорышIапIэу Адыгэ Республикэм щыIэм ипресс-къулыкъу.