Урысыем щынэгъончъэнымкIэ и Федеральнэ къулыкъу Адыгэ Респуб­ликэмкIэ и ГъэIорышIапIэ къыIэкIигъэхьэгъэ материалхэм ахаплъи, Урысыем и Следственнэ комитет Адыгэ РеспубликэмкIэ иследственнэ гъэIорышIапIэ къалэу МыекъуапэкIэ иследственнэ отдел илъэс 68-рэ зыныбжь очылым уголовнэ Iоф къыфызэIуихыгъ.

Урысые Федерацием и Уголовнэ кодекс ия 272-рэ статья ия 2-рэ Iахь къыхиубытэрэ бзэ­джэшIагъэ зэрихьагъэкIэ, зы­шъхьэ къипхы мыхъущт къэбархэр хэбзэнчъэу аIэкIигъэхьагъэкIэ ар агъэмысэ.

2023-рэ илъэсым имэзае Мые­къуапэ щыщ горэм ащ зыкъыфигъэзагъ, автомобилыр зием ехьылIэгъэ къэбарэу зышъхьэ къипхы мыхъущтхэр къызыIэкIигъахьэхэкIэ ахъщэ къызэрэри­тыщтыр къыриIуагъ. Урысыем хэгъэгу кIоцI IофхэмкIэ и Министерствэ IэкIэлъ къэбархэр очы­лым ыIэ къыригъэхьанхэм пае полицием иIофышIэу инэIуасэм зыфигъэзагъ. ИIэнатIэ къызфигъэфедэзэ, очылым ищыкIэгъэ къэбархэр полицейскэм къыгъотыгъэх. Ащ фэдэ къэбархэр зыкъыфэзыгъэзагъэм зэрэIэкIигъэхьажьыгъэм фэшI очылми ахъщэ къыратыгъ.

Хабзэм къыгъэгъунэрэ къэбархэр аIэкIэзыгъэхьэгъэ полицейскэм изекIуакIэ следствием правовой уасэ фишIыщт. БзэджэшIагъэм изэхэфын джыри макIо.

Урысыем и Следственнэ коми­тет АР-мкIэ ислед­ственнэ гъэIорышIапIэ ипресс-къулыкъу