Анахь дэгъухэр къэнэфагъэх
Мыекъуапэ иIофышIэхэр зыхэлэжьэгъэхэ Спартакиадэр дартсымкIэ ыкIи шахматхэмкIэ зэфашIыжьыгъ.
ДартсымкIэ зэнэкъокъухэм текIоныгъэр къащыдихыгъ народнэ депутатхэм я Совет икомандэ. ШахматхэмкIэ анахь лъэшыгъэр республикэм икъэлэ шъхьаIэ гъэсэныгъэмкIэ и Комитет ары.
Мы спорт лъэпкъхэмкIэ зэхащэгъэ зэнэкъокъухэм коллективи 6 ахэлэжьагъ. Ахэм ащыщэу 4-м хагъэунэфыкIырэ чIыпIэхэр къыдахынхэ амал яIагъ. Ау зэкIэми анахь дэгъоу зыкъэзыгъэлъэгъуагъэр Мыекъуапэ гъэсэныгъэмкIэ и Комитет ары. Мыщ икомандэ волейболымкIэ ыкIи шахматхэмкIэ зэнэкъокъухэм текIоныгъэр къащыдихыгъ, дартсымкIэ ятIонэрэ хъугъэ, есынымкIэ яплIэнэрэ чIыпIэр къыфагъэшъошагъ. Ащ зы очкокIэ ыуж къинагъэх депутатхэмрэ «Адыгэ Республикэм эпидемиологиемкIэ ыкIи гигиенэмкIэ и Гупчэ» икомандэрэ. Ахэми хагъэунэфыкIырэ чIыпIэхэр къыдахыгъэх.