ХагъэунэфыкIырэ чIыпIэхэр къыдахыгъэх
Кушъхьэфэчъэ спортымкIэ Урысыем ичемпионат Владимирскэ хэкум икъалэу Муром щыкIуагъ.
ШышъхьэIум и 1-м къыщыублагъэу и 7-м нэс бзылъфыгъэхэм заушэтыгъ.
Адыгэ Республикэм ихэшыпыкIыгъэ командэ хэтхэм гъэхъэгъэшIухэр ашIыгъэх, хагъэунэфыкIырэ чIыпIэр къыдахыгъэх. Зэнэкъокъум иапэрэ едзыгъо ятIонэрэ чIыпIэр къыщыдихыгъ Елизавета Ошурковам. Джащ фэдэу ящэнэрэ хъугъэх Таисия Чуренковамрэ Елизавета Арчибасовамрэ.
Мы мэфэ дэдэхэм ныбжьыкIэхэм язэнэкъокъухэри рагъэкIокIыгъэх, илъэс 17 — 18 зыныбжьыхэр ары зызыушэтыгъэхэр. Апэрэ уцугъом текIоныгъэр къыщыдихыгъ Адыгеим илIыкIоу Ангелина Винник. Тиспортсменкэхэм, ахэм ятренерэу А. В. Войновым тафэгушIо.