ФутболымкIэ Урысыем ипервенствэ иятIонэрэ лигэ щешIэрэ командэхэм зичэзыу ешIэ­гъоу яIагъэхэм къадыхэлъытагъэу тифутбо­лист­хэр Мыекъуапэ щешIагъэх, командэу «Динамо Ставрополь» IукIагъэх.

«Зэкъошныгъ» (Мыекъуапэ) — «Динамо Ставрополь» (Ставрополь) — 1:0 (0:0).

ЕшIэгъур гъэшIэгъонэу кIуагъэ пфэIощтэп. Ау тифутболистхэм зэгурыIоныгъэ азыфагу илъэу зэрэджэгугъэхэм ишIуа­гъэкIэ Iэгуаор къэлапчъэм дадзэн алъэкIыгъ ыкIи текIоныгъэр къы­дахыгъ. Я 76-рэ такъикъым «Зэ­къошныгъэм» икапитанэу Де­лэкъо Аскэр Iэгуаор хъагъэм дидзагъ.

Я 5-рэ турым изэфэхьысыжьхэр:

«Рубин» (Ялта) — «СКА» (Ростов-на-Дону) 1:1,

«Кубань Холдинг» (ст. Павловскэр) — «Севастополь» (Севастополь) — 7:0,

«Зэкъошныгъ» (Мые­къуапэ) — «Динамо Ставрополь» (Ставрополь) — 1:0.

Я 5-рэ турым ыуж ­командэхэм очко пчъа­гъэу рагъэкъугъэр: «Кубань Холдинг» — 9, «Зэ­къошныгъ» — 9, «СКА» — 7, «Биолог-Новокубанск» — 7, «Севастополь» — 6 «Рубин» — 5, «Динамо Ставрополь» — 0. КъыкIэлъыкIощт ешIэгъур «Зэ­къошныгъэм» Севастополь щыриIэщт, шышъхьэIум и 19-м чIы­пIэ командэм дешIэщт.