Физкультурникым и Мафэ фэшI тышъу­фэгушIо.

Тихэгъэгу спортымкIэ ищытхъу чыжьэу зыгъэIухэрэр, щыIэкIэ-псэукIэ тэрэзым дырагъаштэзэ зипкъы­шъол зыпсыхьэхэрэр мы мэфэкIым зэрепхых. Адыгеир испортсмен цIэрыIохэм арэгушхо. Спорт зэнэ­къокъу инхэм ягъэхъагъэхэр ахэм къащагъэлъагъо. Республикэм испорт еджапIэ къычIэкIыгъэхэм Олимпиадэхэм, Дунаим ыкIи Европэм я Чемпионатхэм текIоныгъэ инхэр къащыдэзыхыгъэхэр ахэтых. Республикэм спортымкIэ гъэхъэ­гъэшхохэр зэриIэхэр къаушыхьаты кIэлэцIыкIухэмрэ Iэтахъохэмрэ азыфагу щызэхащэрэ зэнэкъокъу инхэм. ТиныбжьыкIэхэр щыIэкIэ- псэукIэ тэрэзым хэщэгъэнхэмкIэ, физическэ культурэмрэ спортымрэ нахь чанэу ахэлэжьэнхэмкIэ ахэм яшIогъэшхо къэкIо. Непэ республикэм щыпсэухэрэм физкультурэмрэ спортымрэ япхыгъэ шIоигъоныгъэхэу яIэхэр къад­хъу­хэм пае муниципалитет пстэуми ящыкIэгъэ амалхэр щарагъэгъотых. Джырэ уахътэм диштэрэ спорт гуп­чэхэр, физкультурэ комплексхэр агъэпсых, спортымкIэ секциякIэхэр къызэIуахых. Илъэс къэс физкультурэмрэ спортымрэ ахэщагъэхэр нахьыбэ зэрэхъухэрэм тегъэгушхо. Респуб­ликэм ис цIыфхэу ныбжь зэфэшъхьаф зиIэ нэбгырэ мин пчъагъэ спортым, псауныгъэм игъэпытэн япхыгъэ Iофтхьабзэхэм ахэлажьэх. ТапэкIи Адыгеим исхэу спортымрэ псауныгъэмрэ мэхьанэшхо язытыхэрэм япчъагъэ зэрэхэхъощтым, тиспортсменхэм гъэхъэгъа­кIэхэр къызэрэдахыщтхэм тицыхьэ телъ. ЗэкIэми псауныгъэ пытэ, щыIэкIэшIу шъуиIэнэу, Адыгеимрэ Урысыемрэ спортым ылъэныкъокIэ ящытхъу чыжьэу зыгъэIущт гъэхъэгъа­кIэхэр шъушIынхэу тышъуфэлъаIо! Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат Адыгэ Республикэм и Къэралыгъо Совет — Хасэм и Тхьаматэу Владимир Нарожнэр