Адыгеим и ЛIышъхьэ ишIухьафтын къыдэхыгъэ­ным фэбэнэрэ командэхэм непэ ыкIи неущ зичэзыу ешIэгъухэр яIэщтых. Джырэ уахътэм ехъулIэу командэхэу «АГУ-м», «Кощхьаблэм» ыкIи «Кавказым» пэрытныгъэр аIыгъ. Турым иешIэгъу шъхьаIэ хъущт Адыгэ къэралыгъо университытым ыкIи кощхьаблэхэм язэIукIэгъу. Мы мэфэ дэдэм поселкэу Инэм щызэIукIэщтых командэхэу «Тэхъутэмыкъуайрэ» «Сириусрэ». ШышъхьэIум и 13-м ешIэщтых «Асбир» — «Мыекъуапэ», «Нарт» — «Урожай», «Чэчэнай» — «Кавказ».