Адыгэ Республикэм и Къэралыгъо Совет – Хасэм и Кубок икъыдэхын фэгъэхьыгъэ зэнэкъокъум Красногвардейскэ районыр къэзыгъэлъэгъорэ «Кавказыр» Мыекъуапэ икомандэ 11:0-у щытекIуи, финалныкъом ихьагъ.

Iэгуаор къэлапчъэм гъогогъу щырыщэу дадзагъ Давид Жирновымрэ Къэзэр Инверрэ. Гъогогъу тIурытIо Богдан Степановымрэ Хъуажъ Альбертрэ.

«Кавказыр» финалныкъом щыIукIэн ылъэкIыщт Адыгэ къэралыгъо университетым икомандэ. Мыр 7:0-у «Тэхъутэмыкъуаем» текIуагъ. Ау финалныкъом ихьаным фэшI командэхэу «Нарт» ыкIи «Сириус» зыфиIо­хэрэм язэIукIэгъу текIоныгъэр къыщыдэзыхырэм IукIэн фае.

Адыгэ Республикэм и Къэралыгъо Совет – Хасэм и Кубок икъыдэхын фэгъэхьыгъэ зэнэкъо­къум къыдыхэлъытэгъэ зичэзыу ешIэгъухэр къэкIощт зыгъэпсэфыгъо мафэхэм щыIэщтых. Футболыр зыгу рихьыхэрэр ахэм яплъынхэу зэхэщакIохэм рагъэ­благъэх.