Iофтхьэбзэ зэфэшъхьафхэр зэхащэщтых
Физкультурникым и Мафэ фэгъэхьыгъэ Iофтхьэбзэ зэфэшъхьафхэр Мыекъуапэ щыкIощтых. Физкультурэр ыкIи спортыр зищыIэныгъэ пытэу хэуцуагъэхэр республикэ стадионэу «Зэкъошныгъэм» ыкIи гупчэ паркым дэт шахмат клубым дэжь щызэрэугъоищтых.
Теннис иным пыщагъэхэм язэнэкъокъу спорт Iофтхьабзэхэм пэублэ афэхъущт, ар пчэдыжьым сыхьатыр 8-м рагъэжьэщт. Сыхьатыр 9-м шахмат клубым дэжь спортым иIофышIэ пэрытхэр зыщагъэшIощтхэ мэфэкI зэхахьэ щыкIощт. Сыхьатыр 10-м Iофтхьабзэу «ЩыIэныгъэм илъэбэкъу мини 10» зыфиIорэр рагъэжьэщт. Ащ кIэщакIо фэхъугъэх физическэ культурэмкIэ ыкIи спортымкIэ Комитетымрэ Адыгэ Республикэм и Олимпийскэ советрэ.
Мы мэфэ дэдэм дартсымкIэ ыкIи шахматхэмкIэ зэнэкъокъухэр щыIэщтых. Стадионэу «Зэкъошныгъэм» баскетболымкIэ (3x3), нардхэмкIэ Iофтхьабзэхэр щызэхащэщтых.
Скей-паркым щыкIощт зэнэкъокъухэр спорт Iофтхьабзэхэм кIэух афэхъущтых.