Мыекъопэ «Зэкъошныгъэм» республикэм щыпсэухэу футболыр зыгу рихьыхэрэр ыгъэгушIуагъэх. ФутболымкIэ Урысыем ипервенствэ иятIонэрэ лигэ щешIэрэ командэхэм зичэзыу ешIэгъоу яIагъэхэм къадыхэлъытагъэу тифутболистхэр Ростов-на-Дону щешIагъэх ыкIи зэIукIэгъум текIоныгъэр къыщыдахыгъ.

«СКА» (Ростов-на-Дону) – «Зэкъошныгъ» (Мыекъуапэ) – 0:1 (0:1).

Бысымхэм Iэгуаор нахьыбэрэ аIыгъыгъ, ау текIоныгъэр къыдэпхынымкIэ ар икъурэп. Я 44-рэ такъикъым «Зэкъошныгъэм» иухъумакIоу Магомеднаби Ягъяевым Iэгуаор къызIэкIигъахьи изакъоу къэлапчъэм екIугъ ыкIи ар хъагъэм дидзагъ. Ащ ишIуагъэкIэ мы ешIэгъум тикомандэ текIоныгъэр къыщыдихыгъ.

Я 4-рэ турым изэфэхьысыжьхэр:

«СКА» (Ростов-на-Дону) – «Зэкъошныгъ» (Мыекъуапэ) – 0:1, «Динамо-Ставрополь» (Ставрополь) – «Кубань Холдинг» (ст.Павловскэр) – 0:1, «Севастополь» (Севастополь) – «Биолог-Новокубанск» (п. Прогресс) – 0:1. Я 3-рэ турым ыуж командэхэм очко пчъагъэу рагъэ­къугъэр:

«Биолог-Новокубанск» – 7, «Севастополь» – 6, «Кубань Холдинг» – 6, «СКА» – 6, «Зэ­къошныгъ» – 6, «Рубин» – 4, «Динамо – Ставрополь» – 0. КъыкIэлъыкIощт ешIэгъур «Зэкъошныгъэм» Мыекъуапэ щыриIэщт, шышъхьэIум и 13-м командэу «Динамо-Ставрополь» IукIэщт.