Тиспортсменхэм ямедальхэм тагъэгушIуагъ
СамбэмкIэ я VII-рэ Урысые зэнэкъокъу Нижегородскэ хэкум икъалэу Кстово щыкIуагъ.
СССР-м изаслуженнэ тренерэу М. Бурдиковым ишIэжь фэгъэхьыгъэ Iофтхьабзэм хъулъфыгъэхэр ыкIи бзылъфыгъэхэр хэлэжьагъэх. Урысыем ишъолъыр зэфэшъхьафхэм, Казахстан ыкIи Къыблэ Кореем къарыкIыгъэ самбист 250-м ехъумэ алырэгъум зыщаушэтыгъ.
Адыгеим илIыкIохэм зэнэкъокъум гъэхъэгъэшIухэр щашIыгъэх, хагъэунэфыкIырэ чIыпIэхэр къыдахыгъэх. Хьакъуй Амир текIоныгъэр къыдихыгъ, Гъомлэшк Анзор ятIонэрэ хъугъэ, Бэгъ Тимур ящэнэрэ чIыпIэр къыфагъэшъошагъ. Тиспортсменхэр зыгъасэхэрэр Делэкъо Адамрэ Гъомлэшк Алыйрэ.