Адыгэ къэралыгъо университетым и Гъэмэфэ профильнэ еджапIэ адыгэ культурэм и Мафэ щыхагъэунэфыкIыгъ.

АКъУ-м ибазэу «Горная легенда» зыфиIорэм и Гъэмэфэ профильнэ еджапIэ Урысыем ишъолъыри 10-мэ къарыкIыгъэ кIэлэеджэкIуи 106-рэ биологиемрэ химиемрэкIэ щырагъаджэх, ахэр ары Iофтхьабзэм хагъэлэжьагъэхэр.

Адыгэ лъэпкъым икультурэ, тарихъ гъогоу къыкIугъэр кIэлэ­еджакIохэм къафаIотагъ. Ара­гъэлъэгъугъэмэ ащыщ адыгэ шхыныгъоу хьалыжъор зэрагъэ­хьазырырэр, джащ фэдэу дышъэ хэдыкIынымкIэ, шы уанэм ишIын­кIэ, щэбзэщэ щэрыонымкIэ мастер-классхэр къафатыгъэх.

ЗэлъашIэрэ лъэпкъ ансамблэу «Налмэсым» мэфэкI зэхахьэр къыгъэдэхагъ, къашъохэу «Ис­лъамыер» ыкIи «Мэкъуао щыIэ­хэу» зыфиIохэрэр артистхэм къашIыгъэх. Ащ ихудожественнэ пащэу, Урысыем изаслуженнэ артистэу Хъоджэе Аслъан ансамблэм итарихъ, ар зэхащэнэу зэ­рэхъугъагъэм фэгъэхьыгъэ къэбархэм кIэлэеджакIохэр ащигъэгъозагъэх, адыгэ къашъоу «УджымкIэ» мастер-класс къытыгъ.

Адыгэ къэралыгъо университетым ипресс-къулыкъу