Физкультурникым и Мафэ ихэгъэунэфыкIын ыкIи егъэджэкIо— гъэсакIом и Илъэс къадыхэлъытагъэу Мыекъопэ къэлэ ад­миниистрацием физическэ культурэмкIэ ыкIи спортымкIэ и Ко­митет онлайн зэнэкъокъу зэхещэ.

Ащ зэреджагъэхэр «Общественное признание». Спортыр зыгу рихьыхэрэр мыщ къыхэлэжьэнхэу, амакъэ атынэу зэхэща­кIохэр къяджэх.

ЗэрагъэнэфагъэмкIэ, онлайн зэнэкъо­къур лъэныкъо зэфэшъхьафхэмкIэ зэтеутыгъэщт. ПэшIорыгъэшъ уцугъом къыдыхэлъытэгъэ мэкъэтыным финалым ихьащт нэбгырэ тIу­рытIу къыщынэфэщт, мэкъэтыным изэ­фэ­хьысыжьхэмкIэ ахэр къахахыщтых.

«Мыекъуапэ испорт еджапIэхэм ятренер-кIэлэегъэджэ анахь дэгъу», «Общест­веннэ IофышIэ ыкIи физическэ культурэмрэ спортымрэкIэ зэхэщэкIо анахь дэгъу», «Физическэ культурэмкIэ кIэлэегъэджэ анахь дэгъу» зыфиIорэ лъэныкъохэмкIэ зэнэкъокъущтых.

Мэкъэтыным нэбгырэ 45-рэ хэлэжьэщт: тренер-кIэлэегъэджэ 20, физическэ культурэмкIэ кIэлэегъэджэ 18, общественнэ IофышIэ ыкIи Iофтхьабзэхэм язэхэщэкIуи 7.

ПэшIорыгъэшъ мэкъэтыныр зы маф зэ­рэкIощтыр. Шъугу рихьырэ ыкIи зыдежъугъэштэрэ цIыфыр къыхэшъухыным пае Мыекъуапэ физическэ культурэмкIэ ыкIи спортымкIэ и Комитет иофициальнэ нэкIубгъо шъуихьанышъ, шъумакъэ ащ фэшъутын шъулъэкIыщт. Апэрэ едзыгъор непэ рагъэ­жьэщт. Зэнэкъокъур шышъхьэIум и 10-м аухыщт, физкультурникым и Мафэ зыщыхагъэунэфыкIыщтым ехъулIэу.