Адыгэ Республикэм и Къэралыгъо Совет – Хасэм и Кубок икъыдэхын фэгъэхьыгъэ зэнэкъокъур мы мазэм рагъэжьэщт.

Ащ епхыгъэу Адыгеим футболымкIэ и Федерацие пхъэидзэ зэхищагъ. Финалым и 1/8-м щызэIукIэщт командэхэм яешIэгъу­хэр шышъхьэIум рагъэкIокIыщтых. Республикэм ичемпионат хэлэ­жьэрэ командэхэр ары зэнэкъо­къум щызэIукIэщтхэри. Ар олимпийскэ шIыкIэм тетэу кIощт, къы­зытекIохэрэ командэр турнирым хэзы. Финалым унэсыным пае зэлъыпытэу гъогогъуищэ текIоныгъэр къыдэпхын фае. Командэу зэIукIэщтхэр:

«Кавказ» (Красногвардейскэ район) — «Мыекъуапэ», «АГУ» (Мыекъуапэ) — «Тэхъутэмы­къуай» (шышъхьэIум и 9-м), «Нарт» (Хьакурынэхьабл) — «Сириус» (Джэджэ район), «Урожай» (Мыекъопэ район) — «Чэчэнай» (Теуцожь район) (шышъхьэIум и 16-м), «Кощ­хьабл» — «Адыгэкъал» (шы­шъхьэ­Iум и 23-м).