Мы зыгъэпсэфыгъо мафэхэм футболымкIэ чемпионатэу ыкIи первенствэу Адыгэ Республикэм и ЛIышъхьэ ишIухьафтын зэрылъхэм язичэзыу ешIэгъухэр щыIэщтых.

Шъугу къэтэгъэкIыжьы ныбжьыкIэ команди 9-рэ зыныбжь икъугъэхэм якоманди 10-рэ ахэм зэрахэлэжьэщтхэр. Я 2-рэ чэзыум иешIэгъухэр бэдзэогъум и 28-м ыкIи и 29-м щыIэщтых.

Неущ ешIэгъуи 3 зэхащэщт. ЕшIэгъуи 2-р Мамхыгъэ щыкIощт. НыбжьыкIэ командэу «Нартыр» Джэджэ районым къикIыгъэ «Сириусым» пчыхьэм сыхьатыр 4-м футбол дешIэщт, пчыхьэм сыхьатыр 6-м зыныбжь икъугъэхэр зыхэт командэхэр яIэпэIэсэныгъэкIэ зэнэкъокъущтых.

Тхьаумафэм ешIэгъуи 6 щы­Iэщт. «Чэчэнаерэ» «Мыекъуапэрэ» Пэнэжьыкъуае, «Урожаим­рэ» Красногвардейскэ районым икомандэу «Кавказымрэ» Тульскэм щызэдешIэщтых. «Тэхъутэмыкъуаер» ядэжь Кощхьаблэ икомандэ футбол щыдешIэщт.