Футболист ныбжьыкIэхэм я Урысые зэнэкъокъоу «Шъо Iэгуау» зыфиIорэр непэ къалэу Салават щаухыщт. Ащ щатекIорэ команди 4 анахь дэгъур Волгоград щыкIощт кIэух зэнэкъокъум хэлэжьэщт.

2012 — 2013-рэ илъэс­хэм къэхъугъэ шъэожъыехэу, пшъэшъэжъыехэу Адыгэкъалэ щыщхэр ары Адыгеим ыцIэкIэ Урысые зэнэкъокъум хэлажьэхэрэр. Хьадпэшъо Аслъанрэ Тхьаркъохъо Муратрэ агъэ­сэрэ купым пшъэшъэжъыитIу хэт.

Тикуп Самарскэ хэкум, Дагъыстан, Москва къарыкIыгъэ командэхэм аде­шIагъ, 2:0-у тифутболист ныбжьыкIэхэр Дагъыстан къи­кIыгъэ купым текIуа­гъэх. Адрэ ешIэгъуитIуми 2:0-у ыкIи 2:1-у

Адыгэкъалэ къикIыгъэ спортсмен ныбжьыкIэхэм къащатекIуа­гъэх.

Тренерэу Хьадпэшъо Аслъан къызэриIуагъэмкIэ, ахэр апэрэу мыщ фэдэ зэнэкъокъушхом хэлажьэх. Пшъэшъэжъыехэри кIалэхэри зэрафэлъэкIэу футбол ешIагъэх.

Тифутболист ныбжьыкIэхэр Дагъыстан къикIыгъэ командэм непэ енэкъо­къущтых.