Адыгеим испортсменхэм кушъхьэфэчъэ спортымкIэ Краснодар краим ипервенствэрэ Пшызэ шъолъыр кушъхьэфэчъэ спортымкIэ ифедерацие ипервенствэрэ медаль 13 къащахьыгъ.

Ермэлхьаблэ щыкIогъэ зэнэкъо­къур Пшызэ шъолъыр физическэ культурэмкIэ изаслуженнэ Iофы­шIэу, СССР-м спортымкIэ имастерэу, кушъхьэфэчъэ спортымкIэ тренерыгъэу Валерий Резниковым ыцIэкIэ зэхащэгъагъ.

Илъэс 11 — 16 зыныбжь спорт­смени 120-р Краснодар краим ирайони 7-мэ ыкIи Адыгэ Респуб­ликэм къарыкIыгъагъэх. Тиреспуб­ликэ испортсменхэм медаль 13 къахьыгъ: 3-р — дышъэ, 6-р — тыжьын, 4-р — джэрз. Ныбжьэу яIэм елъытыгъэу текIоныгъэ къы­дэзыхыгъэхэр Кирилл Соколовскэр, Роман Воробьевыр, Дарья Маисеенкэр ары.