Мыекъуапэ илэжьэкIо купмэ яспартакиадэ рагъэжьагъ. ГъэсэныгъэмкIэ комитетым, СНД-м, Адыгэ Республикэм гигиенэмрэ эпидемиологиемрэкIэ и Гупчэ, гурыт еджапIэу N 27-м, кIэлэцIыкIу IыгъыпIэхэу NN 8-м, 56-м яIофышIэхэр зыхэт команди 6 волейболымкIэ зэнэкъокъухэм ахэлэжьагъ.

ГъэсэныгъэмкIэ комитетым икомандэу Мыекъуапэ игурыт еджапIэхэм физкультурэмкIэ якIэлэегъа­джэхэр зыхэтхэр ары спартакиадэм щатекIуагъэр. ПсэупIэу Севернэм игурыт еджапIэу N 27-м Iутхэм тыжьын медаль афагъэшъошагъ. Я 3-рэ чIыпIэр зыхьыгъэр Адыгэ Республикэм гигиенэмрэ эпидемиологиемрэкIэ и Гупчэ илэжьэкIо куп ары.

Псауныгъэр зыщагъэпытэрэ Гупчэу «Мыекъуапэм» ибассейн бэдзэогъум и 29-м есынымкIэ зэнэкъо­къухэр щыкIощтых. ПстэумкIи спорт лъэпкъи 5-мкIэ лэжьэкIо купхэм спартакиадэм зыщаушэтыщт.