Шахматистхэм я Дунэе мафэ ехъулIэу шахматхэмкIэ зэнэкъокъу Мыекъуапэ щы­кIуагъ. Илъэси 7-м къыщегъэжьагъэу илъэс 17-м нэс зыныбжь кIэлэцIыкIухэр ары Адыгеим и Кубок къыдэхыгъэным фэбэнагъэхэр. 2012 — 2017-рэ илъэсхэм, 2006 — 2011-рэ илъэсхэм къэхъугъэхэр ары нахь зызыгъэпхъэшагъэхэр. НахьыжъхэмкIэ нэбгырэ 11, на­хьыкIэхэмкIэ — 16 текIоныгъэм фэ­бэнагъ. НахьыкIэхэмкIэ апэрэ чIы­пIищыр ХьапэкIэ Батыр, Джэндэ­рэ Щамил, Василиса Назаровам аубытыгъ. НахьыкIэхэмкIэ атекIуагъэр Карен Гукасян, ятIонэрэ чIыпIэр Юлия Дубинскаям, ящэнэрэр — ХьэтхьакIумэ Адам афагъэшъошагъ.