ФутболымкIэ Адыгеим ичемпионатрэ ипервенствэрэ неущ ра­гъэжьэщтых. ТекIоныгъэ ахэм къащыдэзыхыхэрэм АР-м и ЛIышъхьэ ишIухьафтынхэр афагъэшъошэщтых.

Команди 10 зэнэкъокъухэм ахэлэжьэщт. Купи 8-мэ мы зыгъэпсэфыгъо мафэхэм апэрэ зэIукIэгъухэр яIэщтых. «Асбиррэ» (Адыгэкъал) «Чэчэнаерэ» (Теуцожь район) ары ешIэгъу зимыIэщтхэр. Командэу «Мыекъуапэр» Тэхъутэмыкъое районым ифутболистхэм стадионэу «Юность» зыфиIорэм непэ футбол щадешIэщт. Командэу «Кощхьабл» зыфиIорэмрэ Мыекъопэ районым и «Урожайрэ» яIэпэIэсэныгъэкIэ Кощхьаблэ щызэнэкъокъущтых. «Нартым» ифутболистхэр Мыекъуапэ икомандэу «АКъУ-м» Хьакурынэхьаблэ футбол щыдешIэщтых. Командэу «Сириус» зыфиIорэмрэ Красногвардейскэ районым ифутболистхэу «Кавказым» хэтхэмрэ станицэу Джаджэ щызэнэкъокъущтых.