Дунаим ичемпионэу, Урысыем ихэшыпыкIыгъэ куп икъэлэп­чъэIутэу, НХЛ-м ижъуагъоу Сергей Бобровскэм хоккеистхэм апае мастер-класс Мыекъуапэ щызэхищагъ. «Хоккеим зызэрэрагъэушъомбгъурэр, ­кIэлэцIыкIухэм ар зэрашIогъэшIэгъоныр, сыкъызэрашIэжьырэр, къыздэгущыIэнхэм зэрэтемыщыныхьэхэрэр, анэ лыдэу мылым зэрэтехьэхэрэр лъэшэу сигуап», — къы­тиIуагъ Сергей Бобровскэм.

Урысыем ихэшыпыкIыгъэ командэ икъэ­лэп­чъэIут кIэлэцIыкIухэм адэгущыIагъ, хоккей узэрешIэщт шIыкIэмкIэ адэгощагъ, ягъусэу сурэт зытыраригъэхыгъ.

Сергей Бобровскэм гъэхъагъэхэр ышIэу зыщыригъэжьагъэр Новокузнецкэ и «Ме­таллург» ары. 2014-рэ илъэсым Урысыем ихэшыпыкIыгъэ куп хэтэу дунаим ичемпион ар хъугъэ. Илъэс 34-рэ зыныбжь урысые спортсменыр командэу «Флорида ­Пантерз» зыфиIорэм пае США-м джыдэдэм хоккей щешIэ.