ШыкъэгъэчъэнымкIэ Урысыем ипервенствэу илъэс 18 — 20 зыныбжь спортсменкэхэр зыхэлэжьагъэхэм къэбэртэешэу Таирэ зыгъэIорышIэщтыгъэ Тембот Динэ щатекIуагъ.

Пшъашъэр Адыгэ Респуб­ликэм ыцIэкIэ зэ­нэкъокъухэм ахэлэжьагъ. Километри 120-р сыхьати 7-рэ такъикъ 58-кIэ ащ къы­чъыгъ.

Я 2-рэ чIыпIэр зыубытыгъэр Московскэ хэкум щыщ Анна Коршуновар ары. Я 3-рэ чIыпIэр Москва къикIыгъэ Марианна Гета фагъэшъошагъ.

Зэнэкъокъухэр зыщыкIуагъэхэр Московскэ хэкумкIэ Красногорскэ районым ишы спорт комплексэу «Отрада» зыфиIорэр ары. Урысые Федерацием ишъолъырхэмрэ Беларусьрэ къарыкIыгъэгъэ шыу 83-р ахэм ахэлэжьагъ.