АР-м и Лъэпкъ тхылъеджапIэ тхылъ къэгъэлъэгъонэу «Шагнувший за грань» зыфиIоу адыгэ усакIоу, тхакIоу, драматургэу Къуекъо Налбый къызыхъугъэр илъэс 85-рэ зэрэхъурэм фэгъэхьыгъэр ыгъэхьазырыгъ. [caption id="attachment_136229" align="aligncenter" width="800"] Сурэтыр: Лъэпкъ тхылъеджапIэр[/caption] ЗэлъашIэрэ тхакIом ищыIэныгъэ ыкIи итворчествэ яхьылIэгъэ материалхэр тхылъеджапIэм ифонд къыхахыгъэх. Налбый лъэныкъуабэкIэ гъэзагъэу Iоф зэришIагъэр, усакIоу, прозаикэу, драматургэу, сценаристэу ыкIи фольклористэу, пшысэIуатэу, критикэу, литературоведэу ыкIи зэдзэкIакIоу зэрэщытыгъэр ахэм къаIуатэ. Къуекъо Налбый итхылъ пшIы пчъагъэ ыкIи ипоэтическэ сборникхэр Мыекъуа­пэ, Краснодар, Москва къащыдэкIыгъэх. Ипроизведениехэм илъэпкъ илIыгъэ-гушхуагъэ, игубзыгъэгъэ-Iушыгъэ, идэхагъэ, икультурэ ибжьышIогъэ-хэшыкIыгъэ, адыгэхэмкIэ бзэм, искусствэм ыкIи къашъохэм мэхьанэшхо зэряIэр ащыкIэгъэтхъыгъ. МэфэкI къэгъэлъэгъоныр бэдзэогъум и 13-м къыщыублагъэу и 30-м нэс зэIухыгъэщт. Мамырыкъо Нуриет.