«Кубань Холдинг» — «Зэкъошныгъ» 3:0.

Мыекъопэ командэу «Зэкъошныгъэм» футболымкIэ Урысыем ипервенствэ иапэрэ чэзыу дэеу ригъэжьагъ. Краснодар краим истаницэу Павловскэм щыкIогъэ ешIэгъум «Кубань Холдинг» зыфиIорэр тифутболистхэм 3:0-у къащытекIуагъ.

Голищри къэлапчъэм зыдадзагъэр апэрэ едзыгъор ары. Апэ «Кубань Холдинг» икапитанэу ДышъэкI Аслъан пчъагъэр къызэIуихыгъ. ЕтIанэ Никитэ Фадеевым тIогъогогъо тикъэлапчъэ Iэгуаор къыдидзагъ ыкIи зэнэ­къокъум ианахь ешIэкIо дэгъоу алъытагъ.

«Зэкъошныгъэм» ифутболистэу Валерий Ореховыр къы-зэ­рэд­дэгощагъэмкIэ, текIоныгъэ къыдихыным тикомандэ лъэшэу фэ­­бэнагъ, ау зинасып къыхьы-гъэр къадешIагъэхэр ары.

Апэрэ чэзыум «Биологрэ» (Новокубанск) Ялтэ щыщ «Рубинрэ» зыщызэдешIэхэм, 1:1-у зэнэкъокъур аухыгъ, зыми текIоныгъэр къыдихыгъэп. «Севастополыр» Ростов-на-Дону къикIыгъэ командэу «СКА-м» 3:1-у текIуагъ.

«Зэкъошныгъэр» джы бэдзэогъум и 29-м Ялтэ щыщ командэу «Рубиным» Мыекъуапэ футбол щыдешIэщт. Тифутболистхэм первенствэм иадрэ ешIэгъухэм текIоныгъэ къащыдахынэу, гъэ­хъагъэхэр ашIынэу тафэлъаIо!