ФутболымкIэ Урысыем ипервенствэ ия 2-рэ лигэ хэлэжьэрэ Мыекъопэ «Зэкъошныгъэм» бэдзэогъум и 16-м чэзыукIэр регъажьэ. Апэрэ едзыгъом ар чъэпыогъум и 15-м нэс купи 6-мэ футбол тIорытIо адешIэщт.

Бэдзэогъум иублэгъу ехъулIэу Адыгеим ифутболистхэм языгъэпсэфыгъо аухыгъ. ТхьамэфитIу имыкъум ахэр ешIэгъу заулэмэ ахэлэжьагъэх. «Кубань» зыфиIорэ купым Краснодар щыдыриIэгъэ ешIэгъум зи щытекIуагъэп, пчъагъэр 2:2-у зэнэкъокъур аухыгъ. Футбол командэу «Краснодарым» хэтхэр тистадионэу «Зэкъошны­гъэм» 0:4-у тифутболистхэм къащытекIуагъэх.

Тифутболистхэр «Кубань-Холдинг» Краснодар краимкIэ станицэу Павловскэм щыIукIэщтых. Бэдзэогъум и 29-м «Зэкъошныгъэр» Ялтэ ифутбол командэу «Рубин» зыфиIорэм Мыекъуапэ футбол щыдешIэщт.