ФутболымкIэ Адыгэ Республикэм ичемпионатрэ ипервенствэрэ зыщыкIощт мафэхэмкIэ макъэ къагъэIугъ.

2023-рэ илъэсымкIэ Адыгэ Республикэм и ЛIышъхьэ ишIухьафтынхэр защафагъэшъошэщт зэнэ­къокъухэм республикэм имуниципалитетхэм якоманди 10 ахэлэ­жьэщт: «Мыекъуапэ», «АКъУ» (Мые­къуапэ), «Асбир» (Адыгэ­къал), «Кощхьабл» (Кощхьэблэ район), «Кавказ» (Красногвардейскэ район), «Сириус» (Джэджэ район), «Урожай» (Мыекъопэ район), «Тэхъутэмыкъуай» (Тэ­хъу­тэ­мыкъое район), «Чэчэнай» (Теуцожь район), «Нарт» (Шэуджэн район).

Футболистхэр тIорытIо зэдешIэщтых. Очко нахьыбэ къэзыхьырэр ары текIоныгъэр къыдэзыхыгъэкIэ алъытэщтыр. Зы мафэм ешIэ­гъуитIу зэхащэзэ ашIыщт. Зыныбжь икъугъэхэм язэнэкъокъу рагъэ­жьэнкIэ сыхьатитIу иIэжьэу ныб­жьыкIэ купхэр футбол зэдешIэщтых.

Зэнэкъокъухэр зыгъэпсэфыгъо мафэхэм — шэмбэтымрэ тхьаумафэмрэ зэхащэхэзэ ашIыщт. Чемпионатымрэ первенствэмрэ мы тхьамафэм къыкIэлъыкIорэ зыгъэпсэфыгъо мафэхэм рагъэ­жьэщтых.

Бэдзэогъум и 22-м «Мыекъуа­пэрэ» «Тэхъутэмыкъуаерэ» — Мые­къуапэ, «Кощхьаблэрэ» «Уро­жайрэ» Кощхьаблэ щызэдешIэщтых. Бэдзэогъум и 23-м Адыгэкъалэ икупэу «Асбиррэ» Теуцожь районым икупэу «Чэчэнайрэ» Адыгэкъалэ футбол щызэдешIэщтых, «Сириусымрэ» «Кавказымрэ», «Нартымрэ» «АКъУ-мрэ» Хьакурынэхьаблэ щызэнэкъокъущтых.