Шы спортымкIэ Мыекъуапэ икубок шъхьэихыгъэ тиреспубликэ икъэлэ шъхьаIэ щыкIуагъ. Спортсмен 16 ащ хэлэжьагъ. Краснодар, Ставрополь крайхэм къарыкIыгъэ спортсменхэми мы зэнэкъокъум зыщаушэтыгъ. Шыхэм атесэу пэрыохъухэр зэпачыхэзэ, ахэм яIэпэIэсэныгъэ зынэсырэр къагъэлъэгъуагъ. Шы спортым ишъэфхэр зыIэ къизыгъахьэрэ спорт­сменхэр сантиметрэ 80 зилъэгэгъэ пэрыохъухэм къялъагъэх. МыщкIэ текIоныгъэр къыдэзыхыгъэр Мыекъуапэ щыщ Кира Козловар ары. ЯтIонэрэ гъогум щызэнэкъокъугъэхэр сантиметрэ 90-рэ зилъэгэгъэ пэрыохъухэм къялъагъэх. Шэу Бомбит зыгъэIорышIэщтыгъэ, Мыекъуапэ щыщ Матвей Алексеевыр ары апэрэ чIыпIэр мы лъэны­къом щызыубытыгъэр. Ящэ­нэрэ гъогум щызэнэкъо­къугъэ спортсменхэр сантиметри 110-рэ зилъэгэгъэ пэрыохъухэм къялъагъэх. Мыекъуапэ щыщ спорт­сменкэу Валерия Ткачевар апэу къэсыжьыгъ. Апэрэ чIыпIищыр къыдэзыхыгъэ­хэм Мыекъуапэ физическэ культурэмкIэ ыкIи спортымкIэ икомитет икубокхэр, имедальхэр, идипломхэр афагъэшъошагъэх.