Адыгэ республикэ обществэу «Динамо» зыфиIорэр зызэхащагъэр илъэси 100 зэрэхъурэм фэгъэхьыгъэу волейболымкIэ зэнэкъокъоу щыIагъэм хэлэжьэнхэу хэбзэ­ухъумэкIо къулыкъухэм ялIыкIо командэ 12 къе­кIолIэгъагъ.

[caption id="attachment_135795" align="aligncenter" width="800"] АР-м хэгъэгу кIоцI IофхэмкIэ и Министерств.[/caption]

КупитIу хъухэу зэнэ­къокъухэзэ анахь лъэшхэу 5 къахэкIыгъ: Джэджэ районым хэгъэгу кIоцI IофхэмкIэ иотдел, хэгъэгу кIоцI IофхэмкIэ Минис­терствэм иаппарат, вневедомственнэ охранэм, щы­нэгъончъэнымкIэ ыкIи хьыкум приставхэм я Федеральнэ къулыкъухэм ягъэIорышIапIэхэу АР-м щыIэхэм якомандэхэр.

«Динамэм» ипащэ игуа­дзэу, хэгъэгу кIоцI къулыкъум иполковникэу Александр Леваковым къызэриIуагъэмкIэ, командитIур зэдешIагъэмэ, те­кIоныгъэр къыдэзыхыгъэр зэнэкъокъум изичэзыу уцугъо ихьанэу къыз­щыдэлъытэгъэ системэм тетэу ар зэхащэгъагъ. Ящэнэрэ чIыпIэм пае щынэгъончъэнымкIэ Федеральнэ къулыкъум хэтхэр хьыкум приставхэм адешIэхи, счетыр 2:0-у атекIуагъэх. Финалым хэ­гъэгу кIоцI IофхэмкIэ Ми­нистерствэм иаппарат хэтхэр вневедомственнэ охранэм икъулыкъушIэхэм ащ фэдэ счеткIэ щате­кIохи, апэрэ чIыпIэр рес­публикэм щаубытыгъ. Те­кIоныгъэр къыдэзыхыгъэхэмрэ призерхэмрэ щытхъу тхылъхэмкIэ, медальхэмкIэ ыкIи кубок­хэмкIэ къыхагъэщыгъэх.

Шъугу къэдгъэкIыжьын, волейболымкIэ зэнэкъо­къур республикэ общест­вэу «Динамэм» испартакиадэ къыдыхэлъытагъэу 2023-рэ илъэсым зэхащэхэрэм ащыщ. Ащ ыпэкIэ хэбзэухъумакIохэр дзюдомкIэ, футбол цIыкIумкIэ, щэрыонымкIэ зэ­нэкъокъугъэх. Теннисым­кIэ ыкIи физическэ ухьазырыныгъэу яIэр къыз­ща­гъэлъэгъощт зэ­нэ­къо­къухэр шышъхьэIу-­Iо­ныгъо мазэхэм зэхащэщтых.

АР-м хэгъэгу кIоцI IофхэмкIэ и Министерствэ ипресс-къулыкъу

­