Музеим итеплъэ зэблихъугъ
Адыгэкъалэ икраеведческэ музей мультимедиа-гидхэм язэхэгъэуцонкIэ лъэпкъ проектэу «Культурэм» щатекIуагъ.
[caption id="attachment_135777" align="aligncenter" width="800"] Адыгэкъалэ имузей.[/caption]Адыгеим культурэмкIэ и Министерствэ къызэритыгъэмкIэ, сомэ миллиони 2,9-у къыхагъэкIыгъэмкIэ джырэ шапхъэхэм адиштэрэ оборудование краеведческэ музеим чIагъэуцуагъ.
— Лъэпкъ проектэу «Культурэм» зэрэхэлэжьагъэм ишIуагъэкIэ музеим итеплъэ лъэшэу зэблихъугъ ащ иэкспозициехэм нэIуасэ зафэзышIыхэрэми къахэхъуагъ, — къыIуагъ муниципальнэ образованиеу «Адыгэкъалэ» культурэмкIэ игъэIорышIапIэ ипащэу НапцIэкъо Мариет.