Гъобэкъое футболистхэр атекIуагъэх
Футбол цIыкIумкIэ зэнэкъокъоу Советскэ Союзым и ЛIыхъужъэу Бжыхьэкъо Къымчэрые ишIэжь фэгъэхьыгъэр Лъэустэнхьаблэ бэмышIэу щыкIуагъ.
Теуцожь районым икупих ащ хэлэжьагъ. Гъобэкъуае ихэшыпыкIыгъэ куп кубокыр къыдихыгъ. Пэнэжьыкъуае ифутболистхэм я 2-рэ чIыпIэр къахьыгъ. Къуаджэу Нэшъукъуае щыщхэм я 3-рэ чIыпIэр къыдахыгъ. Теуцожь районымрэ Лъэустэнхьэблэ къэлэ псэупIэмрэ яадминистрацие зэнэкъокъум щатекIуагъэхэм шIухьафтынхэр аритыжьыгъэх.