Мыекъуапэ илэ­жьэ­кIо купхэм яспартакиадэ хэ­ла­жьэ зышIоигъохэм ялъэIу тхылъхэр аштэхэу рагъэжьагъ.

Спорт Iофтхьэбзэ анахь дэ­гъухэу гъэмафэрэ Мыекъуапэ щызэхащэхэрэм ар зэу ащыщ. Спартакиадэр бэдзэогъум и 22-м рагъэжьэщт. Спорт лъэпкъи 5-мкIэ — волейболымкIэ, есынымкIэ, щэрыонымкIэ,шахматхэмкIэ, дартсымкIэ къулайныгъэу яIэр къагъэлъэгъощт. ЛэжьэкIо коллективхэр зэкIэ мы спартакиадэм къыхэлэжьэнхэу, амалэу яIэр аушэтынэу за­фэтэгъазэ. Къэбархэр нахь игъэ­кIотыгъэу къызIэкIэзгъахьэ зышIоигъохэм Iофтхьабзэр зэхэзыщэрэм — Мыекъуапэ испорткомитет зыфагъэзэн алъэкIыщт. Бэдзэогъум и 20-м нэс лъэIу тхылъхэр аштэщтых. Физкультурникым и Мафэ — шышъхьэIум и 12-м Iофтхьабзэр аухыщт. БЗЭШIУ Асхьад.