ТекIоныгъакIэхэм зафытырагъэпсыхьэ
Гандбол купэу «АКъУ-Адыифым» изыгъэпсэфыгъо уахътэ ыухыгъ.
[caption id="attachment_135529" align="aligncenter" width="800"] Гандбол клубэу «Адыифым» ихъарзынэщ.[/caption]
[caption id="attachment_135530" align="aligncenter" width="800"]
Гандбол клубэу «Адыифым» ихъарзынэщ.[/caption]
Апэрэ мазэм спортсменкэхэм тренажер залым мафэ къэс тIогъогогъо тренировкэ щашIыщт, урамым къыщычъэщтых. Адыгэ Республикэм изаслуженнэ тренерэу Ольга Рюхинам спортсменкэхэр егъасэх.
Ушъхьагъу зэфэшъхьафхэм къахэкIэу нэбгырэ пчъагъэ: Регина Якуповар, Дарья Вигуржинскаяр, Оксана Колодяжнаяр, Татьяна Кирилловар, Юлия Кожубековар, Къазихъан Дианэ, Дарина Никулинар, Ангелина Куцеваловар, Анна Красновар, Алина Казанджян, Софья Морозовар, Виктория Мещеряковар, Селма Добарджич, Дарья Гильфановар купэу «АКъУ-Адыифым» хэкIыжьыгъэх. Ахэм ачIыпIэ нэбгыри 4 — «Балтийскэ зарям» хэтыгъэ Анастасия Селиверстовар, «Ставропольем» хэтыгъэхэ Ангелина Болоба, Ангелина Томилинар, «Уфа-Алиса» ивратарыгъэу Тамара Гобадзе купым къыхэхьагъ. Гандбол купэу «Адыифым» зэхъокIыныгъэу фэхъугъэхэм афэгъэхьыгъэ къэбарыр социальнэ хъытыоу «ВКонтакте» зыфиIорэм нэкIубгъоу щыриIэм ит.
[caption id="attachment_135531" align="aligncenter" width="800"]
Гандбол клубэу «Адыифым» ихъарзынэщ.[/caption]
«АКъУ-Адыифым» тренер шъхьаIэ джыдэдэм иIэп. ЧемпионатыкIэр Iоныгъом иублэгъум рагъэжьэщт.
«Арэущтэу зэрэщытзи, сезоным изыфэгъэхьазырын планым диштэу макIо. Мы мэзитIу благъэм Iофышхо тшIэн фаеу къытпыщылъ. Джыдэдэм анахьэу тынаIэ зытедгъэтырэр спортсменкэхэм ухьазырыныгъэ дэгъу ягъэгъотыгъэныр ары», — къыфиIотагъ Ольга Рюхинам «Адыгэ макъэм».
БЗЭШIУ Асхьад.