Урысые спорт проектэу «Унэгъо команд» зыфиIорэм Мыекъуапи хэлэжьэщт.

Ащ изэхэщакIохэр кIэлэцIыкIу­хэмрэ ныбжьыкIэхэмрэ я Урысые общественнэ-къэралыгъо движениеу «Движение первых» зыфиIорэм Адыгэ РеспубликэмкIэ икъутамэрэ къэлэ спорт комитетымрэ.

Физкультурэ-спорт Iофтхьабзэр бэдзэогъум и 8-м ипчэдыжь ­къэлэ паркым ишахмат клуб дэжь щырагъэжьэщт. Илъэси 7-м къыщегъэжьагъэу илъэс 18-м нэс зыныбжь кIэлэцIыкIухэмрэ ахэм янэ-ятэхэмрэ ащ хэлэжьэщтых. Нэбгыри 2 — 3 зыхэт купхэм метрэ 1000 къачъыщт. Iофтхьабзэм щатекIохэрэм шIухьафтынхэмрэ щытхъу тхылъхэмрэ афагъэшъошэщтых.

ЗэхэщакIохэм зэралъытэрэмкIэ, проектым гукъэкIыжь фабэхэр еплъыхэрэм къафигъэнэщтых, унэгъо лъапсэхэр нахь ыгъэпытэщтых. Iофтхьабзэм хэлажьэ зышIоигъохэм кIэлэеджа­кIохэм я Урысые движение иофи­циальнэ сайт зыщырагъэтхын фае. Лъэпкъ проектэу «Гъэ­сэныгъэм» хэхьэрэ федеральнэ проектэу «Урысые Федерацием щыпсэухэрэм патриотическэ пIу­ныгъэ дэгъу ягъэгъотыгъэныр» зыфиIорэм диштэу мы Iофтхьа­бзэр зэхащэ.