БатутымкIэ Мыекъуапэ испортсменкэхэм летчицэу, Советскэ Союзым и ЛIыхъужъэу Евдо­кия Носаль ишIэжь фэгъэхьыгъэ Урысые зэ­нэ­къокъухэм медали 3 къащахьыгъ.

Урысыем ишъолъыр 14-мрэ Беларусьрэ къарыкIыгъэ спорт­сменкэхэр ары ахэм ахэлэжьагъэхэр. Адыгеим ыцIэкIэ ащ щы­Iагъэх республикэм ихэшыпыкIыгъэ купхэр зыщагъэхьазырырэ спорт Гупчэм иатлеткэу, спортымкIэ мастерэу Дарья Дудиновамрэ мастерынымкIэ кандидатэу Виктория Паладькорэ. Адыге­им изаслуженнэ тренерхэу Анатолий Москаленкэмрэ Татьяна Тарасенкэмрэ ахэр агъасэх.

Дудиновам я 2-рэ, Паладько я 3-рэ чIыпIэр къахьыгъ, пшъэшъитIуми тыжьын медальхэр къы­зэдалэжьыгъэх. Бысымхэр — Краснодар краим испорт­сменхэр ары зэнэкъокъухэм ана­­хьышIоу закъыщызыгъэлъэ­гъуагъэхэр. Ахэм медали 100-м ехъу къахьыгъ.