ЧIыопсым иягъэ емыкIэу
Урысые Федерацием псэолъэшIынымкIэ ыкIи унэ-коммунальнэ хъызмэтымкIэ иминистрэу Ирек Файзуллиным тхьамэтагъор зыщызэрихьэгъэ зэIукIэм хэлэжьагъ Адыгеим и ЛIышъхьэу КъумпIыл Мурат. Ар Москва щыкIуагъ.
[caption id="attachment_135440" align="aligncenter" width="800"] УФ-м псэолъэшIынымкIэ и Министерств.[/caption]
ЗекIонымкIэ кластерхэр гъэпсыгъэнхэм пае (мыхэм зыкIэ ащыщ гъэпсэфыпIэу «Лэгъонакъэ») инфраструктурнэ проектхэр пхырыщыгъэнхэмкIэ Iофыгъоу щыIэхэм язэшIохын мыщ щытегущыIагъэх. Федеральнэ проектэу «ЗекIоным иинфраструктурэ хэхъоныгъэ егъэшIыгъэныр» зыфиIорэмрэ лъэпкъ проектэу «ЗекIонымрэ хьэкIэ егъэблэгъэнымрэ» зыфиIохэрэм ателъытагъэу проектхэр агъэцакIэх.
[caption id="attachment_135441" align="aligncenter" width="800"]
УФ-м псэолъэшIынымкIэ и Министерств.[/caption]
Мы зэIукIэм хэлэжьагъэх Iахьзэхэлъ обществэу «Корпорация Туризм.РФ» зыфиIорэм игенеральнэ пащэу Сергей Сухановыр, АР-м иминистрэхэм я Кабинет и Тхьаматэу КIэрэщэ Анзаур, обществэу «Россети» зыфиIорэм игенеральнэ пащэ игуадзэу Алексей Мольскэр ыкIи инвесторхэр.
«Непэ хэгъэгу кIоцI зекIоныр тэркIэ анахь пшъэрылъ шъхьаIэхэм зыкIэ ащыщ. Iофхэм язытет зыфэдэм емылъытыгъэу зекIоным епхыгъэ псэолъакIэхэр амал зэриIэкIэ нахь псынкIэу гъэпсыгъэнхэм телъытэгъэ IофшIэныр зэрищыкIагъэм тетэу зэхэщэгъэным пае хэкIыпIэхэр къэгъотыгъэнхэ фае. Шъыпкъэ, ащкIэ инженер инфраструктурэр: псыр, фабэр, электричествэр зэраIэкIэхьащтхэ системэхэр гъэпсыгъэнхэ, Урысыем псэолъэшIынымкIэ и Министерствэ пхырищырэ проектхэр нахь шIэхэу гъэцэкIэгъэнхэ фае. Инвестиционнэ федеральнэ программэм тетэу къэуцурэ пшъэрылъхэр зэшIохыгъэнхэ фае», — къыIуагъ Урысыем псэолъэшIынымкIэ и Министерствэ ипащэу Ирек Файзуллиным.
[caption id="attachment_135439" align="aligncenter" width="800"]
УФ-м псэолъэшIынымкIэ и Министерств.[/caption]
ГъэпсэфыпIэу «Лэгъонакъэ» ишIынкIэ мэхьанэшхо зиIэ проектышхоу зэшIуахын фаехэм ащыщ лыжэхэмкIэ къызщачъыхьащт гъогоу километрэ 25-рэ фэдиз хъущтыр, ар гъэцэкIагъэ хъуным пае Адыгеим Iофтхьэбзэ гъэнэфагъэхэр щызэшIуахых. ГъэпсэфыпIэм илъэсым исыд фэдэрэ лъэхъани Iоф ышIэшъущт, республикэм зекIоу къихьэхэрэри фэдэ пчъагъэкIэ нахьыбэ хъущтых. Адыгэ Республикэм и ЛIышъхьэу КъумпIыл Мурат къызэриIуагъэмкIэ, проектым къыдилъытэрэ Iофтхьабзэу ыпэкIэ агъэнэфэгъагъэхэр зэкIэ графикым тетэу гъэцэкIагъэ мэхъух, ащкIэ ищыкIэгъэ зэзэгъыныгъэхэри зэдашIыгъахэх.
Проектэу «Лэгъонакъэ» ипхырыщын Iахьзэхэлъ обществэу «Корпорация Туризм.РФ» зыфиIорэр ягъусэу лъэкIуатэ. ГъэпсэфыпIэм епхыгъэ инфраструктурэр шIыгъэнымкIэ лъэпкъ проектыкIэм ишIуагъэ къэкIощт. 2022-рэ илъэсым къыщыублагъэу Урысыем псэолъэшIынымкIэ и Министерствэ IэпыIэгъу къареты, мыщ хэхьэх электричествэр къящэлIэгъэным епхыгъэ Iофхэри.
[caption id="attachment_135379" align="aligncenter" width="800"]
УФ-м псэолъэшIынымкIэ и Министерств.[/caption]
Урысыем псэолъэшIынымкIэ и Министерствэ къаIэкIигъэхьэгъэ субсидиехэм яшIуагъэкIэ электросетьхэм апышIэгъэнхэм нэмыкIэу зекIонымкIэ проектыкIэм къыдилъытэрэ автомобиль гъогоу «Дахъо — бгы тешъоу Лэгъо-накъэ» зыфиIорэм изы Iахь зэтырагъэпсыхьащт ыкIи инженер инфраструктурэмкIэ ищыкIагъэхэри агъэпсыщтых. Ахэм анэмыкIэу псыр къаIэкIэзыгъэхьащт ыкIи агъэфедагъэр Iузыщыжьыщт системэр агъэпсыщт.
«Автомобиль гъогоу «Дахъо — бгы тешъоу Лэгъо-накъэ» зыфиIорэм изы Iахь изэтегъэпсыхьан аублэгъах, джащ фэдэу чIычIэгъым щагъэтIылъыщт газрыкIуапIэм ишIыни къыдалъытэ. ЮНЕСКО-м и Дунэе кIэн къыхиубытэрэ псэуалъэхэм анэсыщтхэп, шъолъырым ичIыопс байныгъэхэр мыукъогъэнхэм тегъэпсыхьагъэу псэолъэшIыным епхыгъэ Iофхэр зэшIуахыщтых. Анахь мэхьанэ зиIэр проектыр икъоу ыкIэм нэгъэсыгъэныр ары. Ар гъэцэкIагъэ зыхъукIэ зекIоным ихэхъоныгъэ имызакъоу, Адыгеим иэкономикэ нахь зыкъыIэтынымкIи ишIогъэшхо къэкIощт. А пстэуми яшIуагъэкIэ IофшIэпIэ чIыпIакIэу мин пчъагъэ щыIэ хъущт», — къыхигъэщыгъ КъумпIыл Мурат зэIукIэм икIэуххэм япхыгъэу.
АР-м и ЛIышъхьэ ипресс-къулыкъ