БаскетболымкIэ пшъашъэ­хэм язэнэкъокъу Мые­къуа­пэ щыкIуагъ. Къалэхэу Шы­тхьалэ, Лабинскэ, Псы­фабэ къарыкIыгъэ купи 4 ащ хэлэжьагъ.

Мыекъопэ спортеджапIэу В. С. Максимовым ыцIэ зыхьырэм испортзал мэфи 3 зэнэкъокъухэр щыкIуагъэх. Тренерхэу Евгений Крбашянрэ Юрий Петровымрэ агъэсэрэ пшъашъэхэр ары Адыгеим икъэлэ шъхьаIэ ыцIэкIэ зэнэкъокъум хэлэжьагъэхэр. Апэрэ мафэм тибаскетболисткэхэр 57:42-у Псыфабэ къикIыгъэ пшъашъэхэм атекIуагъэх. ЯтIонэрэ мафэми ахэм Шытхьалэ щыщ баскетболисткэхэм 63:38-у текIоныгъэр къашIуахьыгъ. Ау Лабинскэ къикIыгъэ пшъашъэхэр ары апэрэ чIыпIэр зыхьыгъэхэр. Ахэр 65:51-у тибаскетболисткэхэм къатекIуагъэх. Мыекъопэ купым ятIонэрэ, Шытхьэлэ купым ящэнэрэ чIыпIэхэр къыдахыгъэх. СпортеджапIэм ипащэ къалэжьыгъэ тынхэр пшъашъэхэм къаритыжьыгъэх.