НыбжьыкIэхэм я Урысые мафэ игъэкIотыгъэу Красногвардейскэ районым щыхагъэунэфыкIыгъ.

Хъулъфыгъэхэм акIуачIэ зынэсырэр къызыщагъэлъэгъогъэ зэнэкъокъумрэ спортсменкэхэм яшоу-программэрэ мэфэкIыр къагъэдэхагъ.

Хъулъфыгъэхэр акIуачIэ зынэсырэмкIэ зэнэкъокъухэзэ, щэрэхъхэр зэпырагъэзагъэх, штангэкIэ килограммишъэ пчъагъэ къаIэтыгъ, язакъоу автобусыр зы чIыпIэ рагъэкощыкIыгъ. ДжэгукIэ лъэпкъ пэпчъкIэ текIоныгъэ къыдэзыхыгъэхэр агъэнэфагъэх. Муниципалитетым ищыIэныгъэ чанэу зэрэхэлажьэхэрэм, яIофшIэн гъэхъагъэхэр зэрэщашIыгъэхэм, щыIэкIэ-псэукIэ тэрэз яIэнэу цIыфхэм къызэряджэхэрэм афэшI Красногвардейскэ районым испортсмен анахь цIэрыIохэм щытхъу тхылъхэр къафагъэшъошагъэх. МэфэкI концертэу къатыгъэми, нэмыкI Iофтхьабзэхэми ныбжьыкIэхэм я Урысые мафэ къагъэдэхагъ.